АДМИН
Цэнгэг усны нөөц, байгаль хамгаалах төв, CleanUP Mongolia хамтран "Цэнгэг Туул – Цэвэр орчин" аяны хүрээнд Туул голын ай сав газрын зарим хэсэгт цэвэрлэгээний үйл ажиллагааг зохион байгууллаа.
Тус үйл ажиллагаанд 120 гаруй сайн дурын залуус нэгдэж, 3 цагийн хугацаанд нийт 10 га талбайг хамруулан цэвэрлэгээ хийв.
Туул гол нь Улаанбаатар хотын 7 дүүргийг дамжин урсдаг, нийслэлийн хүн амын ундны усны гол эх үүсвэр бөгөөд экологийн өндөр ач холбогдолтой гол юм.
Харамсалтай нь гол, усны ай сав орчимд ил задгай хаясан хог хаягдал, хуванцар бүтээгдэхүүн, ахуйн хог хаягдлын хэмжээ нэмэгдэж байгаа нь усны чанар, экосистем, биологийн олон янз байдалд сөргөөр нөлөөлөхөөс гадна иргэдийн эрүүл, аюулгүй орчинд амьдрах нөхцөлд эрсдэл учруулж байна.
Байгаль орчноо хамгаалах, хог хаягдлаа зориулалтын цэгт ангилан хаях, усны нөөцөө хайрлан хамгаалах нь хүн бүрийн оролцоо, хариуцлагаас эхэлдэг.
|
Нийгэм
