АДМИН
2026 оны 07-р сарын 27-ны 08 цагаас 2026 оны 08-р сарын 03-ны 08 цаг хүртэлх 7 хоногийн цаг агаарын тоймыг хүргэж байна.
Хур тунадас: 27-нд баруун болон төв аймгуудын ихэнх нутаг, зүүн аймгуудын нутгийн хойд хэсэг, говийн аймгуудын нутгийн баруун хойд хэсгээр 0-66.0 мм, 28-нд баруун аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн хойд хэсэг, говийн аймгуудын нутгийн баруун хойд хэсгээр 0-49.0 мм, 29-нд баруун, төв, зүүн аймгуудын ихэнх нутаг, говийн аймгуудын нутгийн баруун хэсгээр 0-53.0 мм, 30-нд баруун, төв, говийн болон зүүн аймгуудын нутгийн зарим газраар 0-23.0 мм, 31-нд баруун болон говийн аймгуудын нутгийн хойд хэсэг, төв, зүүн аймгуудын ихэнх нутгаар 0-23.0 мм, 1-нд төвийн аймгуудын ихэнх нутаг, баруун, говийн болон зүүн аймгуудын нутгийн зарим газраар 0-34.0 мм, 2-нд баруун болон төв аймгуудын ихэнх нутаг, говийн аймгуудын нутгийн баруун хэсэг, зүүн аймгуудын нутгийн хойд хэсгээр 0-34.0 мм бороо, дуу цахилгаантай аадар бороо орсон байна. Ихэнх нутгаар 0.2-106.7 мм бороо орсноос 7 хоногийн нийлбэрээр хамгийн их нь Өвөрхангайн Гучин-Уст 106.7 мм, Нийслэлийн Хан-Уулд 94.0 мм, Өвөрхангайн Хайрхандулаанд 92.7 мм бороо орсон байна.
Агаарын хамгийн их температур: Хугацааны эхэнд говийн бүс нутаг, Хэрлэн, Халх голын хөндий, Дарьгангын тал нутгаар +35…+40 градус, Дорнодын тал нутгаар +29...+35 градус, Увс нуурын хотгор, Монгол-Алтайн уулархаг нутаг, Хүрэнбэлчир орчим, Хангайн нурууны өвөр бэл, Тэрэлж голын хөндийгөөр +16...+22 градус, бусад нутгаар +23...+28 градус дулаан байв. Хугацааны дунд үеэс ихэнх нутгаар сэрүүсэж Монгол-Алтай, Хангайн уулархаг нутаг, Завхан голын эх, Хүрэнбэлчир орчим, Идэр, Тэрэлж голын хөндийгөөр +13...+19 градус, говийн бүс нутгийн өмнөд хэсэг, Дорнод-Дарьгангын тал нутгаар +29…+35 градус, бусад нутгаар +20...+28 градус дулаан байв.
Агаарын хамгийн бага температур: Өнгөрсөн 7 хоногт хугацааны эхний хагаст Увс нуур болон Дархадын хотгор, Алтай, Хангай, Хөвсгөлийн уулархаг нутаг, Эг, Үүр, Идэр голын хөндийгөөр +4...+12 градус, говийн бүс нутгийн өмнөд болон зүүн хэсгээр +23...+29 градус, бусад нутгаар +13...+22 градус дулаан хоносон байна. Хугацааны сүүлийн хагаст Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэрэлж голын хөндийгөөр +2...+10 градус говийн бүс нутгийн өмнөд хэсэг, Дорнод-Дарьгангын тал нутгаар +19...+25 градус, бусад нутгаар +12...+18 градус дулаан хоносон байна.
Салхи: Ихэнх хугацаанд секундэд 6-11 метр, нутгийн зарим газраар борооны өмнө түр зуур секундэд 17-20 метр хүрч ширүүссэн байна.
Улаанбаатар хот орчмоор:
Хур тунадас: 27-нд 1.0-3.0 мм, 28-нд 15.0-40.7 мм, 29-нд 4.0-13.0 мм, 30-нд 15.0-39.0 мм, 31-нд 0.4-1.0 мм, 8-р сарын 1-нд 6.0-49.0 мм, 2-нд 0.4-2.0 мм бороо, дуу цахилгаантай аадар бороо орсон байна.
Салхи: Ихэнх хугацаанд секундэд 5-10 метр, борооны өмнө түр зуур ширүүссэн байна.
Агаарын температур: Долоо хоногийн эхэн үеэр шөнөдөө +17...+20 градус, өдөртөө +20...+29 градус дулаан байв. Хугацааны дунд үеэс, шөнөдөө +11...+15 градус, өдөртөө +21...+27 градус дулаан байв.
Тэрэлж-Налайх орчмоор: 28-нд 9.0 мм, 29-нд 11.0 мм, 30-нд 39.0 мм, 1-нд 7.0 мм, 2-нд 0.0 мм бороо орсон байна. Салхи ихэнх хугацаанд секундэд 5-10 метр, борооны өмнө түр зуур ширүүссэн байна. Агаарын температур долоо хоногийн эхэн үеэр шөнөдөө +15...+17 градус, өдөртөө +19...+27 градус дулаан байв. Хугацааны дунд үеэс, шөнөдөө +9...+11 градус, өдөртөө +20...+24 градус дулаан байв.
Багануур орчмоор: 29-нд 7.4 мм, 30-нд 14.3 мм, 1-нд 0.0 мм бороо орсон байна. Салхи ихэнх хугацаанд секундэд 5-10 метр, борооны өмнө түр зуур ширүүссэн байна. Агаарын температур долоо хоногийн эхэн үеэр шөнөдөө +16...+20 градус, өдөртөө +23...+31 градус дулаан байв. Хугацааны дунд үеэс, шөнөдөө +12...+15 градус, өдөртөө +24...+27 градус дулаан байв.
|
Нийгэм
