АДМИН
Зам, тээврийн яамны харьяа Монгол Улсын Далайн захиргаанаас Сэлэнгэ аймгийн Сүхбаатар сумын нутаг, Орхон голд усан замын тээврийн үйлчилгээ эрхлэгч иргэн Б.У-ын үйл ажиллагаанд төлөвлөгөөт бус хяналт шалгалтыг 2026 оны 08 дугаар сарын 11-ний өдөр хийлээ.
Шалгалтад 1 иргэн нь 3 усан замын тээврийн хэрэгсэл хамрагдсан бөгөөд тухайн иргэн нь усан замын тээврийн үйлчилгээ эрхлэх тусгай зөвшөөрөлгүй байсан нь тогтоогдож, 3 усан замын тээврийн хэрэгсэл нь улсын бүртгэлд бүртгүүлээгүй хөвөлтөд гарсан зөрчил илэрсэн.
Дээрх зөрчлүүдийг үндэслэн улсын байцаагчийн актаар тухайн иргэний үйл ажиллагааг зөрчлийг арилгаж, хуулийн шаардлагыг хангах хүртэл түр хугацаагаар зогсоох шийдвэр гаргажээ.
|
Эх сурвалж
| Монгол Улсын Далайн захиргаа
|
Нийгэм
