АДМИН
Өнөөдөр буюу 2026 оны 09 дугаар сарын 16-ны өдөр НӨАТ-ын урамшууллын сугалааны тохирлын шууд нэвтрүүлэг шинэчлэгдсэн журмын дагуу ebarimt аппликэйшн болон Боловсрол суваг телевизээр орон даяар шууд явагдлаа.
Энэ удаагийн тохиролд 2026 оны 08 дүгээр сарын 01-нээс 31-ний өдрийн хооронд худалдан авалт хийсэн төлбөрийн 58.813.411 баримтыг оролцуулсан юм.
Тохирлын дүн:
- 3 орон таарсан /30,000-60,000 төгрөг/: 52.996
- 4 орон таарсан /40,000-100,000/: 5300
- 5 орон таарсан /60,000-500,000 төгрөг/: 555
- 6 орон таарсан /100,000- 5 сая төгрөг/: 47
- 7 орон таарсан /500,000- 10 сая/: 3
- 8 орон таарсан: нэг супер азтан тодорч 5-30 сая төгрөгийн эзэн болж байна.
Сугалааны тохирлын дугаар: 92623880
"Сугалааны тохирлоор урамшуулал олгох, түүнийг явуулах журам"-ын 3.8-д заасны дагуу урамшууллын зэрэг, ангиллаас хамаарч гарсан сугалааны үндсэн урамшууллын дүнг азтанд олгохдоо байршлын нэмэгдэл урамшууллын дүнгээр нэмэгдүүлэн олгож байгаа юм.
Цахим төлбөрийн баримт хэвлэлтийн өсөлтийн хувь хамгийн өндөр нь Сүхбаатар дүүрэг +44%, Багахангай дүүрэг +39%, Дархан-Уул аймаг +23%, Багануур дүүрэг +21%, Хэнтий аймаг +19%, Орхон, Хөвсгөл, Дундговь, Завхан аймгууд +18% байлаа.
|
Нийгэм
