АДМИН
Өнөөдөр буюу 2026 оны 09 дүгээр сарын 19-ний өдөр Богдхан уулын дархан цаазат газрын Манзуширын ам, Төрхурахын ам, Чулуутын аманд галын дуудлага бүртгэгдэж, хамгаалалтын захиргааны албан хаагчид, байгаль хамгаалагчид газар дээр нь шуурхай ажиллаж байна.
Манзуширын ам – 2 дугаар хэсгийн ахлагч Ч.Өнөрсайхан, Ц.Батжаргал нар нутгийн иргэдийн хамт 2 тонн ус ашиглан галыг унтраалаа.
Төрхурахын ам, Их Халзангийн дээд эх – 1 дүгээр хэсгийн ахлагч Б.Даваадалайгаар ахлуулсан алба хаагчид галыг бүрэн унтрааж, цурамд оруулан хяналт тавьж байна.
Чулуутын ам – 1 дүгээр хэсгийн байгаль хамгаалагч Л.Амартүвшин хог шатааж байсан иргэдийн үйлдлийг таслан зогсоож, галыг унтраалган хяналт тавин ажиллаж байна.
|
Эх сурвалж
| Богдхан уулын дархан цаазат газрын Хамгаалалтын захиргаа
|
Нийгэм
