АДМИН
Нийтийн тээврийн бодлогын газрын 70044040 дугаарын утсанд болон ptd.ub.gov.mn сайтад иргэдээс ирсэн талархал, санал, хүсэлт, гомдлын мэдээллийг хүргэж байна. Үүнд:
Талархал: Чингэлтэй дүүргийн иргэн Өсөхбаяр: Ч:27 (Вокзал-Өвөр согоот) чиглэлд явж байсан “Сайхан-Ирээдүй” ХХК-ийн 18-031 гарааш дугаартай автобусны жолооч хүүхдийн мартаад буусан гар утсыг түргэн, шуурхай олж өгсөнд маш их баярлалаа. Ажлын өндөр амжилт хүсье.
Иргэний санал: Баянзүрх дүүргийн иргэн Б.Марал-Эрдэнэ: Ч:71А чиглэлийг хуучнаар нь явуулж өгөөч. Маш олон оюутнууд сууж, сургуульдаа явдаг.
Шийдвэрлэлт: А/72 дугаар тушаалын дагуу Баянзүрх дүүргийн 26, 36 дугаар хорооны иргэдээс нийтийн тээврийн хүртээмжийг нэмэгдүүлэх, хүлээгдлийн хугацааг багасгах, чиглэлийн давхцалыг бууруулах талаар гаргасан санал, хүсэлтийг үндэслэн Ч:71А “Дүнжингарав худалдааны төв-МУБИС” чиглэлийн замналд өөрчлөлт оруулж, Ч:71А “Дүнжингарав худалдааны төв-Сүхбаатарын талбайн төв зогсоол” болгон шинэчлэн зохион байгуулж ажилласан. Үүнээс авч үзэхэд иргэний ирүүлсэн саналын дагуу одоогоор тухайн чиглэлийг хуучин маршрутаар явуулах боломжгүй байна.
Иргэний гомдол: Хан-Уул дүүргийн иргэн Эрдэнэ-очир: М:3 (Архивын ерөнхий газар-Сүхбаатарын талбай) чиглэлд явж байсан 15-046 гарааш дугаартай тээврийн хэрэгслийн жолоочийн зан харилцаанд арга хэмжээ авч хариу өгнө үү.
Шийдвэрлэлт: 15-046 гарааш дугаартай тээврийн хэрэгслийн жолооч О-ыг жолоочийн ёс зүй, зан харилцааны сургалтад хамруулж зөрчил гаргахгүй ажиллуулахыг Зорчигч тээвэр дөрөв ОНӨААТҮГ-ын ашиглалтын албаны даргад үүрэг болгов.
Иргэний гомдол: Сонгинохайрхан дүүргийн иргэн Маралгоо: Ч:69Б (Вива Сити- Гэмтлийн эмнэлэг) чиглэлд явж байсан 14-022 гарааш дугаартай автобусны жолоочид үйлчилгээтэй холбоотой шаардлага тавихад хүлээж аваагүй.
Шийдвэрлэлт: Авто терминал трейд ХХК-ийн ашиглалтын албаны дарга Эрдэнэцэцэгт 14-022 гарааш дугаартай тээврийн хэрэгслийн жолооч О-ыг дотооддоо сургалтад суулгаж дахин зөрчил гаргахгүй ажиллах үүрэг өгөв.
Иргэний гомдол: Шалгагч Мөнбаяр: М:1 (5 Шар-Офицеруудын ордон) чиглэлд явж байсан 2-116, 2-130 гарааш дугаартай автобусны жолооч нар хүнээ аваагүй.
Шийдвэрлэлт: Зорчигч тээвэр хоёр ОНӨААТҮГ-ын ээлжийн инженер Зоригт 2-116 гарааш дугаартай тээврийн хэрэгслийн жолоочийг дотооддоо сургалтад суулгаж дахин зөрчил гаргахгүй ажиллах үүрэг өгөв.
Иргэний гомдол: Сонгинохайрхан дүүргийн иргэн Ц.Энхмаа: Хархорин, Цамбагарав, Саппоро гэсэн буудлуудаас хүнээ аваагүй. Буудал дээрээ зогсолт хийгээд яваад байна.
Шийдвэрлэлт: 2-106 гарааш дугаартай тээврийн хэрэгслийн жолоочид Зөрчлийн тухай хуулиар торгуулийн арга хэмжээ тооцов.
Иргэний гомдол: Чингэлтэй дүүргийн иргэн Нямсүрэн: Ч:25 (Тоосгоны үйлдвэр-3,4-р хороолол) чиглэлд явж байсан 2-086 гарааш дугаартай автобусны жолооч хүнээ аваагүй явсан.
Шийдвэрлэлт: 2-086 гарааш дугаартай тээврийн хэрэгслийн жолоочид Зөрчлийн тухай хуулиар торгуулийн арга хэмжээ тооцов.
Иргэний гомдол: Хан-Уул дүүргийн иргэн Т.Мандахбаяр: Жолооч мөнгөний хайрцгийн амыг скочдсон, бэлэн мөнгө аваад явна. Шаардлага тавихаар хүлээж авахгүй, над руу дайрч байна. Арга хэмжээ тооцож, хариу өгнө үү?
Шийдвэрлэлт: Авто терминал трейд ХХК-ийн 14-059 гарааш дугаартай тээврийн хэрэгслийн жолооч С-д 3 сарын хугацаанд цалингийн 20 хувь хасах арга хэмжээ авч шийдвэрлэсэн.
Иргэний гомдол: Баянгол дүүргийн иргэн Баярчимэг: М:3 (Архивын ЕГ-Сүхбаатарын талбай) чиглэлд явж байсан 1-047 гараашны дугаартай тээврийн хэрэгслийн жолоочийн зан харилцаанд арга хэмжээ авч хариу өгнө үү.
Шийдвэрлэлт: 1-047 гарааш дугаартай тээврийн хэрэгслийн жолоочийг жолоочийн ёс зүй, зан харилцааны сургалтад хамруулж зөрчил гаргахгүй ажиллуулахыг Зорчигч тээвэр нэг ОНӨААТҮГ-ын ашиглалтын албаны даргад үүрэг болгов.
Иргэний гомдол: Чингэлтэй дүүргийн иргэн: Ч:55 (Зайсан-Дэнжийн 1000-ын эцэс) чиглэлд явж байсан 13-136 гарааш дугаартай тээврийн хэрэгслийн жолооч хүнээ аваагүй.
Шийдвэрлэлт: 13-136 гарааш дугаартай тээврийн хэрэгслийн жолоочид Зөрчлийн тухай хуулиар торгуулийн арга хэмжээ тооцов.
Иргэний гомдол: Чингэлтэй дүүргийн иргэн Гэрэлмаа: 3-229 гарааш дугаартай автобусны жолооч Д:5 “Хүчит шонхор зах-Эх нялхас” чиглэлд ажиллахдаа зорчигчийг зүй бус үг хэллэгээр доромжилсон.
Шийдвэрлэлт: 3-229 гарааш дугаартай тээврийн хэрэгслийн жолоочийг ёс зүй, зан харилцааны сургалтад хамруулж зөрчил гаргахгүй ажиллуулахыг Зорчигч тээвэр гурав ОНӨААТҮГ-ын ашиглалтын албаны ахлахад үүрэг болгов.
Иргэний гомдол: Сонгинохайрхан дүүргийн иргэн Саруулжаргал: Ч:37 (Улаанхуаран-4-р хороолол) чиглэлд явж байсан 1-080, 1-089 гарааш дугаартай тээврийн хэрэгслийн жолооч буудал дээр зогсоогүй. Арга хэмжээ авч хариу өгнө үү.
Шийдвэрлэлт: Тус гомдлын дагуу Зорчигч тээвэр нэг ОНӨААТҮГ-ын хэсгийн дарга Сунхар, 1-080, 1-089 гарааш дугаартай тээврийн хэрэгслийн жолооч нарт цалинг 10 хүртэлх хувиар хасах арга хэмжээ авав.
Иргэний гомдол: Чингэлтэй дүүргийн иргэн Д.Ганхуяг: Зорчигч тээвэр хоёр ОНӨААТҮГ-ын 2-234 гарааш дугаартай автобусны жолооч М:2 (Зунжин-МУБИС) чиглэлд ажиллахдаа автобусанд суусан хүүхдийг хөөж буулгахаар нь төлбөрийг нь би төлье гэсэн чинь хэл амаар доромжиллоо.
Шийдвэрлэлт: 2-234 гарааш дугаартай тээврийн хэрэгслийн жолоочийг ёс зүй, зан харилцааны сургалтад хамруулж зөрчил гаргахгүй ажиллуулахыг Зорчигч тээвэр хоёр ОНӨААТҮГ-ын ашиглалтын албаны даргад үүрэг болгов.
Иргэний гомдол: Баянгол дүүргийн иргэн Д.Амарсанаа: Зорчигч тээвэр нэг ОНӨААТҮГ-ын 1-098 гарааш дугаартай автобусны жолооч Ч:37 (Улаанхуаран-4-р хороолол) чиглэлд ажиллахдаа Баруун 4-н замын автобусны зогсоолд зогсоогүй.
Шийдвэрлэлт: 1-098 гарааш дугаартай тээврийн хэрэгслийн жолоочид Зөрчлийн тухай хуулиар торгуулийн арга хэмжээ тооцов.
Иргэний гомдол: Баянзүрх дүүргийн иргэн Батгэрэл: Ч:51 (3,4-р хороолол-Дүнжингарав ХТ) чиглэлд явж байсан 11-022 гарааш дугаартай тээврийн хэрэгслийн жолооч хүнээ аваагүй.
Шийдвэрлэлт: 11-022 гарааш дугаартай тээврийн хэрэгслийн жолоочид Зөрчлийн тухай хуулиар торгуулийн арга хэмжээ тооцов.
|
Эх сурвалж
| Нийтийн тээврийн бодлогын газар
|
Нийгэм
