Б.УУГАНБАЯР
Засгийн газар болон хотын удирдлагууд газын хэрэглээг айл өрхүүдэд нэвтрүүлэх туршлага, судалгааны талаар сүүлийн үед нэлээдгүй ярьж байна. Үүнтэй зэрэгцэн газын хэрэглээг үгүйсгэсэн хүмүүс ч байна.
"Хашаандаа сайхан амьдаръя” группийн админ Ц.Түмэнбаяр: “Утааг бууруулах хамгийн оновчтой шийдэл бол дулаалга. Газыг Монголд нэвтрүүлж чадахгүй, газаар бүх айл хордоно эсвэл гал гарах, тэсэрч дэлбэрэх эрсдэлтэй” гэв.
Ц.Түмэнбаяр нь дулаалгын бизнес эрхэлдэг. Нэг гэрийг 3-4 сая төгрөгөөр дулаалдаг. Улаанбаатар хотын гэр хороололд 220 мянган айл өрх байгаа гэхээр нийт айлын зөвхөн 10 хувийг л энэ хэмжээний төгрөгөөр дулаалахад тэрбумтан болохоор. Тэрбээр "Хашаандаа сайхан амьдаръя" группийг үүсгэн байгуулсны дараа түүний дулаалгын төслүүд бүр илүү амжилтад хүрсэн гэдэг. Гэр хороололд амьдардаг 220 мянган өрх гэр хороололдоо л нүүрсээ түлээд байж байвал Ц.Түмэнбаярын дулаалгын төслүүдийн зах зээл хумигдахгүй аж.
|
Нийгэм
