АДМИН
Монголын бурхны шашинтны төв Гандантэгчэнлин хийдийн урилгаар Энэтхэг дэх Брайвүн Гоман дацангийн 81 дүгээр хамба Жигмэджамц дээдэс Монгол оронд морилсон билээ.
Тэрбээр энэ сарын 29-ний өдрийн 10:00 цагт Гандантэгчэнлин хийдийн Батцагаан цогчэн дуганд лам хувраг, сүсэгтэн олонд зориулан Өндөр гэгээн Занабазарын зохиосон “Маанийн дүвтав санмуу” буюу "Маанийн бүтээлийн гүн арга" номд, Гүнтан гэгээний анхдугаар дүр Гончигдамбийдонмийн зохиосон "Шашны наран Жэвзүндамба хутагтын зохиосон маанийн бүтээлийн гүн аргын тайлбар гүн үзэгдэл хэмээх оршвой" номыг айлдаж, эш лүн хүртээх гэж байна.
Энэхүү номын айлдвар нь авралын Жанрайсиг бурхны бүтээл хийгээд түүний бүтээлийн онцлог, утга агуулгыг гүнзгий ойлгон ухаарах, зөв зохистой үйлдэхийн ач тусыг танин мэдэхэд чухал ач холбогдолтой юм.
|
Эх сурвалж
| Гандантэгчэнлин Хийд
|
Нийгэм
