-Эрчим хүчний реформ хийхийн тулд хамтарсан Засгийн газар байгуулагдсан. Тодорхой зорилтууд тавьсан. Реформ хийж эрчимжүүлнэ гээд. Засгийн газар байгуулагдаад есөн сар орчим хугацаа болж байна. Энэ хооронд юу хийв, ямар ажил амжуулав гэх асуулт гарах нь зүйн хэрэг. Эхний ээлжид 2024-2028 он хүртэлх мөрийн хөтөлбөрөө боловсруулаад юуг хийж чадах, юуг нь хийж чадахгүй вэ гэдгээ УИХ-аар оруулж батлуулсан. Хоёрдугаарт, 2024 оны арваннэгдүгээр сарын 15-наас эрчим хүчний үнэ тарифыг өртөг нь ойртуулах арга хэмжээ авч эхэлсэн. Мэдээж үнэ тариф буураагүй нэмэгдсэн учир хэрэглэгчдийн дунд бухимдал байгааг үгүйсгэхгүй. Гэхдээ сонгууль дууссан. Ард түмнийг хоосон амлалтаар цатгаад яваад баймааргүй байна. Юу хийж чадах, чадахгүйгээ ярьсан нь шулуухан. Ард түмэнд бодит байдлыг хэлэхгүй бол хүлээлт хэтэрхий өндөр гүйцэтгэл түүнээс бага болохоор эрх баригчид дандаа буруу ярьдаг, ард түмнийг хуурдаг гэх шүүмжлэл тасрахгүй байгаа учраас би хувь хүний хувьд ийм байр суурьтай байдаг. Бодит байдлаа яръя. Нуугаад яах вэ. Яаж шийдэх юм. Ямар хугацаа орох юм. Ямар хүчин чармайлт гаргах вэ гэдэг зүйл дээр илэн далангуй яръя гэдэг байр суурьтай байна. 

-Ийм шийдвэр гарсан нь үнэн. Яагаад ийм шийдвэр гарсан гэхээр арваннэгдүгээр сарын 15-ны өдөр Эрчим хүчний зохицуулах хороо шийдвэр гаргасан. Тухайлбал, цахилгаан эрчим хүчний үнийг нэмсэн. Улаанбаатар хотод дулааны үнийг ч нэмэгдүүлээд, тавдугаар сарын 16-ны өдрөөс мөрдөж эхлэх байсан. Дунджаар 85 хувь. Гэхдээ ахуйн хэрэглээний м.кв тутмыг 100 хувь, аж ахуйн нэгжийнхийг 75-85 хувь нэмэгдүүлэх шийдвэрийг гаргасан байсан. Харамсалтай нь эрчим хүчний үнийн нэмэгдэл тодорхой хэмжээнд нөлөөлсөн байх. Инфляцын зорилтот түвшин давж гараад 2 оронтой тоо руу орчих гээд байгаа учраас Ерөнхий сайд болон бусад сайдын хүсэлтээр дулааны үнийн нэмэлтийг хойшлуулах шийдвэр гараад байгаа. 

-Ямар ч байсан 2025 оныг дуустал хойшлуулахаас аргагүй нөхцөл байдал үүссэн. Энгийнээр хэлбэл бид 10 төгрөгөөр үйлдвэрлэчхээд 4 төгрөгөөр борлуулаад байгаа. Үйлдвэрлэсэн өртгөөсөө 2.5 дахин бага буюу 60 хувь орчмоор хямд үнээр борлуулаад, олон жилийн ужиг алдагдал үүссэн. 

-Сүүлийн жилүүдэд манай дулааны сүлжээ суурилагдсан хүчин чадлаасаа 50 хувь хэтрээд явчихсан. Тэгэхээр Улаанбаатар хотод Зайсан орчмынхон ХУД-ийн 15, 17, 18 дугаар хороо, БЗД-ийн 26 дугаар хороо гэх мэт хорооллуудад хэт ачаалал үүссэн учраас өвлийн хүндрэлтэй үед хөлдөлт үүсгэхгүйн тулд нөөц хийн станц барья гэдэг шийдвэр гаргаад 2024 оны улсын төсөвт суугаад тендер нь зарлагдаад гүйцэтгэгч нь тодорчихсон байгаа. Харамсалтай нь газрын асуудал шийдэгдэхгүй байгаа учраас НИТХ-д бид хүсэлт хүргүүлсэн. 

-Таны нэрлэсэн хорооллуудад дийлэнх нь таны хамаарал бүхий компаниудын орон сууцууд байгаа юм байна?

-Миний хамаарал бүхий компани UB Palace-ийн газрыг худалдаж авсан юм билээ. Хуучин ажиллаж байсан компани нь үр ашиггүй боллоо дампуурлын байдалд орлоо танай компани авахгүй биз гэдэг санал тавьж ирсэн юм байна. Түүний дагуу хоёр аж ахуйн нэгж хоорондоо тохиролцоод худалдаж авахаар авсан нь үнэн. 

-Мэдээж бизнес хийж байгаа юм чинь юу хийх вэ, хэзээ хийх вэ гэдэг судалгаа хийж таарна. 

-Мэдээж наад асуулт чинь зүй ёсны асуулт. Өнөөдрийн байдлаар бид 2023, 2024 онуудад Улаанбаатар хотод магадгүй 400 м.вт дээш гарчихсан хүсэлтүүд ирчихсэн шийдвэрлэж чадахгүй байгаа нь үнэн. Гэхдээ бид зүгээр суугаад байхгүй. Энэ жил чадвал Амгалан дулааны станцыг 400 м.вт-аар өргөтгөе. Тэгсэн тохиолдолд Их дэлгүүр хүртэлх хэрэглээг зүүн талаасаа тэжээчих юм бол ТЭЦ-3, ТЭЦ-4 дээр тэр хэмжээний эх үүсвэр гайгүй болж эхэлнэ. Техникийн нөхцөлүүдийг үе шаттайгаар буулгаж эхлэх шийдвэр гарах болов уу гэсэн байр суурьтай байгаа.