Dark Light
Нийгэм | 2025-03-28

ЖИРЭМСЭН ЭМЭГТЭЙГ ДЭЭРЭМДСЭН ГЭХ ХЭРЭГ БҮРТГЭГДЖЭЭ

СЭТГҮҮЛЧ | Б.АМАРТҮВШИН
Image
Фото зургийг | mpa.mn

Цагдаагийн байгууллагад он гарснаас хойш бусдад эд зүйлээ дээрэмдүүлсэн гэх дуудлага, мэдээлэл цөөнгүй бүртгэгдэж байна. Ялангуяа, орой үдшийн цагаар ганцаараа явж буй иргэд дээрмийн халдлагад өртөх тохиолдол ихэсч байгаа тул иргэдийг сонор сэрэмжтэй байхыг анхааруулж байна.

Хэд хоногийн өмнө дээрмийн халдлагад өртсөн нэгэн иргэн бидэнд болсон явдлаа ийнхүү ярьсан юм:
"Би гэр рүүгээ ганцаараа явж байх үедээ хоёр танихгүй эмэгтэйд гэнэт дайруулж, хүч хэрэглэн зодуулж, эд зүйлсээ дээрэмдүүлсэн. Тухайн үед утсаар ярьж байсан тул тэднийг анзааралгүй өнгөрсөн. Тэр хоёр эмэгтэй согтуу байсан. Би хоёр хүүхдээ гэрт орхисон байсан учир утсаараа видео каллдаж явсан. Гэвч тэд гэнэт дайрч, ямар ч шалтгаангүйгээр зодож эхэлсэн. Би 9 сартай жирэмсэн байсан учраас өөрийгөө хамгаалах боломжгүй байлаа. Хэргийн дараа ойролцоох танил эгчийндээ очиж, тусламж хүссэн. Цагдаа нар шуурхай ирж, гэмт этгээдүүдийг газар дээр нь баривчилсан. Энэ төрлийн гэмт хэрэг оройн цагаар их гарч байгаа тул эмэгтэйчүүд, хүүхдүүд анхаарал болгоомжтой явахыг хүсье.”

Цагдаагийн байгууллагаас сэрэмжлүүлэхэд, дээрмийн гэмт хэрэг үйлдэж буй этгээдүүд нь:
-Бага насны хүүхэд, жирэмсэн эмэгтэй, хөгжлийн бэрхшээлтэй иргэдийг онилж, тэдний өөрийгөө хамгаалах чадваргүй байдлыг далимдуулан халдлага үйлдэж байна.
-Согтууруулах ундаа хэтрүүлэн хэрэглэсэн, биеэ хянах чадваргүй болсон иргэдийг онилж дээрэмдэх тохиолдол бүртгэгдэж байна.

Иймд иргэд та бүхэн өөрийн болон бусдын аюулгүй байдлыг хангахын тулд дараах сэрэмжлүүлгийг анхаарч, урьдчилан сэргийлэхийг цагдаагийн байгууллагаас зөвлөж байна.

-Орой, үдшийн цагаар ганцаараа явахдаа анхаарал болгоомжтой байх
-Гэрэлтүүлэг сайтай, олны хөл хөдөлгөөн ихтэй газраар явах
-Сэжигтэй этгээдүүдээс зайгаа барих, шаардлагатай бол цагдаагийн байгууллагад мэдээлэх
-Гар утас, үнэт эдлэлээ ил харагдахаар авч явахаас зайлсхийх

Иргэд та бүхэн дээрмийн гэмт хэрэгт өртөхөөс сэргийлж, өөрийгөө болон бусдыг хамгаалаарай! Хэрэв та ийм төрлийн гэмт хэргийн хохирогч болсон бол цагдаагийн байгууллагад яаралтай хандахыг зөвлөж байна.

Сэтгэгдэл бичих
Нийгэм
Улс төр
Өдөр тутмын мэдээ
Эрүүл мэнд
Урлаг соёл
Спорт
Гадаад
Үзвэрийн хувиарууд
Image
2025.05.10 18:00
Үзвэрийн хувиарууд
Image
2025.05.03 11:00
Үзвэрийн хувиарууд
Image
2025.04.03 19:00
Үзвэрийн хувиарууд
Image
2025.05.10, 11
Үзвэрийн хувиарууд
Image
2025.04.04 19:00