Аяллын визээр Солонгост очиж байгаа эмэгтэйчүүд хууль бусаар ажил хийх тэр тусмаа биеэ үнэлж байгаа тохиолдол нэлээдгүй гарах болсон. Тэгвэл саяхан Тайландын 7 иргэн массажны газарт биеэ үнэлж байсан хэрэг гарчээ.
Тус массажны газрын эзэн А гэгч нь өнгөрөгч 3-аас 7-р сарын хооронд оффисын зориулалттай гурван газарт Тайланд эмэгтэйчүүдийн биеийг үнэлүүлж байжээ. Уг хэрэгтэн нь өөр хүний нэр дээрх утас болон данс ашиглаж байсан нь шалгалтын явцад илэрсэн байна.
Сүүлийн үед Тайланд массаж хийх ажилтан авна, гадаад ажилтан туслахаар авна, караокед ажилд авна гэх заруудын ард биеэ үнэлэлт явагдаж байгаа ажээ. Уг хэргийг үйлдсэн хэрэгтэн өнгөрөгч 8 сарын эхээр цагдаад баригдсан бөгөөд 3 жилийн хорих ял болон 20 сая воны торгууль хүлээжээ.
Эх сурвалж: WWW.MGLRADIO.COM Солонгос мэдээ булан
