2019.10.17 ПҮРЭВ ГАРАГ
НАМРЫН ДУНД ХАРАГЧИН ТАХИА САРЫН НАЙМАН ЦАГААН МЭНГЭТЭЙ УЛААГЧИН ГАХАЙ ӨДӨР
- Үс засуулвал : Сайн нөхөртэй нөхөрлөнө
- Наран ургах, шингэх : 07.23 - 18.02
- Барилдлага : Хүчин төгсөх
- Шүтэн барилдлага : Хүрэлцэхүй
- Суудал : Хий
Аргын тооллын 10 сарын 17. Бархасбадь гараг. Билгийн тооллын 19. Нэгэн эхийн зургаан хөвгүүн одтой улаагчин гахай өдөр. Тухайн өдөр туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавиулах, угаал үйлдэх, нялхасын хурим хийх, хийморийн дарцаг хатгахад сайн. Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой.
Тэрсүүд өдөр : зурхайн ёсоор шинэ гэр барих, бэр буулгах, сүм дуган барих, замд гарах, үр тариа тарих, мал адгуус цуглуулах, хишиг даллага авах, сүлд дуудах зэрэгт муу зүйл нүүрлэх өдөр
