БИЛГИЙН ТООЛЛЫН 23 2024.11.23 / БЯМБА ГАРАГ
ӨВЛИЙН ТЭРГҮҮН ХӨХӨГЧИН ГАХАЙ САРЫН ДОЛООН УЛААН ЦАГААГЧИН ТУУЛАЙ ӨДӨР
Үс засуулбал: Эд эдлэл идээ ундаа олдоно
Наран ургах, шингэх: 08:10-17:07
Барилдлага: Түлэх
Шүтэн барилдлага: Нэр өнгө
Суудал: Хий
Аргын тооллын арваннэгдүгээр сарын 23, Санчир гараг. Билгийн тооллын 23, Их морь одтой, цагаагчин туулай өдөр. Өдрийн наран мандах, жаргах цаг нь 08:10-17:07. Тухайн өдөр хонь жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хэншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
