Коронавирусийн тархалтын үед Азид байнга амны хаалт зүүж байхыг анхааруулж буй бол харин Барууны орнуудад зөвхөн өвчтэй хүмүүс л хэрэглэх нь зүйтэй гэж эмч нар зөвлөж байна. Барууны орнуудад амны хаалт зүүж явбал халдвар авсан хэмээн сэжиглэгдэх тул эрүүл хүн барагтай бол амны хаалт зүүдэггүй.
Франц улсад гэхэд амны хаалтыг эмтэй адил эмчийн жороор олгодог гэнэ. Энэ мэтчилэн барууныхан амны хаалт зүүх дадалд өдгөөг хүртэл суралцаагүй байна. Энэ мэт байдлаас болж АНУ, Франц, Итали зэрэг оронд коронавирусийн халдвар эрчээ аваад байна.
