ЭМЯ-аас COVID-19-ын халдвартай холбоотой ээлжит хэвлэлийн хурал зохион байгууллаа. Өнөөдрийн хурлыг өргөтгөсөн байдлаар хийж Эрүүл мэндийн сайд болон олон улсын байгууллагуудын Монгол дахь суурин төлөөлөгч, АНУ-ын элчин сайд оролцож байгаа юм.
Энэ үеэр АНУ-аас Монгол Улсад суугаа Элчин сайд Майкл С.Клечески тус улсын Засгийн газраас COVID-19 цар тахалтай тэмцэхэд Монгол Улсын Засгийн газарт дэмжлэг үзүүлэх зорилгоор ДЭМБ болон НҮБ-ын Хүүхдийн сангаар дамжуулан 3.3 тэрбум төгрөг буюу 1.2 сая ам.долларын тусламж үзүүлж байгааг мэдэгдлээ.
