Намрын дунд хөхөгчин тахиа сарын гурван хөх хөхөгчин үхэр өдөр
Үс засуулбал : Хэл ам хэрүүл тэмцэл ирнэ
Наран ургах, шингэх : 06.35-18:57
Барилдлага : Үл тохирох
Шүтэн барилдлага : Сансар
Суудал : Шороо
Аргын тооллын 9 дугаар сарын 19, Санчир гараг. Билгийн тооллын 2, Тэргүүн дагуул одтой, хөхөгчин үхэр өдөр. Өдрийн наран 6 цаг 35 минутад мандан, 18 цаг 57 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, мал арилжах, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, могой, туулай, бич, нохой, гахай болой. Хол газар яваар одогсод баруун зүгт мөрөө гаргахад зохистой. Үс шинээр үргээлэх буюу засуулахад тохиромжгүй.
