СЕХ-ноос орон нутгийн сонгуулийн бэлтгэл ажлын талаар мэдээлэл хийлээ.
СЕХ-ны гишүүн, Ажлын албаны дарга Д.Баяндүүрэн:
“Саналын хуудас дээр аймаг, нийслэл болон сум, дүүргийн сонгуулийн нэр дэвшигчид хамт бичигдэнэ. Сонгогчид хоёр сонгуулийн төлөө санал өгнө гэсэн үг. Түүнчлэн мандатын тооноос илүү нэр дэвшигч дугуйлсан бол саналын хуудас хүчингүй болно. Мандатын тоотой тэнцүү болон мандатын тооноос бага эсвэл огт дугуйлаагүй бол саналын хуудас хүчинтэйд тооцогдоно” гэлээ.
Мөн аймаг, нийслэл болон сум, дүүргийн ИТХ-ын төлөөлөгчөө тус тус сонгох бөгөөд энэ удаагийн сонгуульд ирцийн хувь тооцогдохгүй юм байна. Есдүгээр сарын 13-ны дуустал сонгуулийн сурталчилгаа явагдах аж.
