АНУ-ын Ерөнхийлөгч Доналд Трамп болон тэргүүн хатагтай Меланиа Трамп нар корона вирусын халдвар авсан нь батлагдсан байна. Өнөөдөр буюу 10 дугаар сарын хоёрны өглөө өөрийн твиттер хуудсаараа дамжуулан “Covid-19ын шинжилгээний хариу эерэг буюу халдвартай гарлаа. Бид нэн даруй хөл хорионд орж, эмчилгээнд хамрагдана. Бид үүнийг хамтдаа даван туулна” гэжээ.
Өдгөө 74 настай ерөнхийлөгч Covid-19 тахлын эрсдэлтэй ангилалд багтаж байгаа нь олон хүний анхаарлыг татаж байгаа юм.
