Пусан хот дахь консулын газраас сэрэмжлүүлэг гаргалаа. Тус сэрэмжлүүлэгт:
БНСУ-ын түүхэн дэх хамгийн хүчтэй далайн хар салхи болох "Хиннамну" нь 9 дүгээр сарын 5-6-ны өдрүүдэд тус улсад ойртон ирж байгаатай холбогдуулан Цаг уурын албанаас хар салхины дайран өнгөрөх хот суурин газруудын мэдээлэл болон далайн хар салхи, байгалийн гамшгаас урьдчилан сэргийлэх талаар зөвлөмж гаргалаа.
Энэхүү далайн хар салхи нь Өмнөд Кёнгсан муж болон ойролцоо хот суурин газарт илүү хүчтэй газардах тул 5-ны өдрийн үдээс хойш цагаас эхлэн тус бүс нутагт оршин суугч иргэд Та бүхэн анхаарал, болгоомжтой байж, хар салхины дэгдэлтийн өмнө болон түүний дараа гадуур зорчихоос зайлсхийхийг сэрэмжлүүлж байна.
