“Осло-2021” ДАШТ-ий хүрэл медальт ОУХМ Долгоржавын Отгонжаргал хэсэг толгойлж байгаа тул эхлээд гоц мөргөсөн. Тэгвэл 1/8 шигшээд Азийн АШТ-ий мөнгө, хүрэл медальт Узбекистаны Жасмина Иммаеватай барилдав. Д.Отгонжаргал тавдугаар сард Алматыд болсон дэлхийн чансааны оноо олгох тэмцээнд түүнд ялагдаж байсан бөгөөд энэ удаа даагаа нэхэж цэвэр дарснаар шөвгийн наймд шалгарлаа.
