2022 оны шатар сонирхогчдын нийслэлийн аварга шалгаруулах XI дэх удаагийн тэмцээн нийслэлийн Хангарди ордонд 12-р сарын 17-18 өдрүүдэд явагдаж байна.
Тэмцээнд эрэгтэй 58, эмэгтэй 22 нийт 80 шатарчин ур чадвар, бүтээлч сэтгэлгээгээрээ өрсөлдөж байна.
Тэмцээнийг нээж Нийслэлийн иргэдийн төлөөлөгчдийн хурлын нарийн бичгийн дарга бөгөөд ажлын албаны дарга Б.Батбямба үг хэллээ.Тэрээр хэлсэн үгэндээ нийслэлийн иргэдийн төлөөлөгчдийн хурлын ажлын алба шатрын спортыг цаашид дэмжихээ илэрхийлж,нийт тамирчдад өндөр амжилт хүслээ.
