Цэвэрлэгээнд Баянзүрх дүүргийн Засаг даргын тамгын газар,Тохижилт, нийтийн аж ахуйн хэлтэс, дүүргийн 43 хорооны Засаг дарга, зохион байгуулагч, хэсгийн ахлагч, хог хаягдлын олон нийтийн байцаагчид, хог хаягдлын хураамж хариуцсан байцаагчид, дүүргийн Онцгой байдлын хэлтэс, Дүүргийн хөгжлийн төв, Хүнс, худалдаа үйлчилгээний хэлтэс, Боловсролын хэлтэс, дүүргийн Цагдаагийн газар, Нийтлэг үйлчилгээний газар 1, 2, 3, 4, “МНТ Эрдэнэс” ХХК, “Эймасс” ХХК зэрэг нийт 517 алба хаагч, 3216 иргэн, 2227 аж ахуйн нэгж байгууллага, 250 СӨХ оролцож байна. Аж ахуй нэгж байгууллага, иргэд 89159 м.кв талбайн цас мөсийг цэвэрлээд байгаа юм. Харин Баянзүрх Эко, тохижилт үйлчилгээ ОНӨААТҮГ-аас авто машины хөдөлгөөн эхлэхээс өмнө төвийн зарим замуудад 6 тонн давс, 2 тонн бодис цацалт хийсэн. Мөн зарим хайлалт муу замуудад дахин цацалт хийж ажиллаж байна.
Зам талбайн 66 үйлчлэгчид, 4 авто машин, 2 давс, бодис цацагч, 4 зам талбайн мастер, 1 зам талбайн ахлах гэсэн бүрэлдэхүүнтэй хуваарьт зам талбайн төвийн хэсгийн явган замын цэвэрлэгээнд гарч Баянмонгол хороолол ,Халдварт, Өгөөмөр, Монел холбосон зам, Цагаан даваа, Цайзын уулзвар, 21-р хороо, Дарь эхийн замууд, Баганат Академи, Хилийн цэргийн уулзвар замууд, Улиастайн гүүр, Хужир булангийн замуудад авто грейдрээр хусалт хийж байна.
