Монголын чөлөөт бөхийн U17, U22 хүртэлх насны лигийн халз барилдаан нэгдүгээр сарын 14-нөөс гуравдугаар сарын 4-ний хооронд "Хилчин" спорт хорооны зааланд болно. Өсвөр үе, залуу тамирчдын ур чадварыг ахиулж, дэлхийн шилдэг тамирчны түвшинд хүргэх, клубүүдийн байнгын үйл ажиллагааг дэмжих, чөлөөт бөхийг сурталчлан таниулах, хичээллэгчдийн хүрээг нэмэгдүүлэх, ирээдүйн өсвөр үе, залуучууд, насанд хүрэгчдийн олимп, тив, дэлхийн аваргуудыг бэлтгэн гаргах зорилготой энэхүү лигийн тэмцээний техникийн зөвлөгөөн болон сугалааны үйл ажиллагаа ням гаригийн 12:00 цагт "Континентал" зочид буудлын хурлын танхимд болно. Лигийн халз барилдаан долоо хоног бүрийн баасан, бямба гаригуудад зохион байгуулагдах юм.
