PUBG Mobile-ын дэлхийн аварга шалгаруулах тэмцээний гранд финалын шат Индонез улсын нийслэл Жакарта хотод боллоо.
Дэлхийн хамгийн шилдэг 16 баг өрсөлдсөн тэмцээнд Монгол Улсын төлөөлөл хоёр баг оролцсоноос "Godlike Stalwart" 4-р байр, "IHC Esports" 5-р байрыг тус тус эзэллээ.
Гранд финалын шат гурван өдөр үргэлжилсэн бөгөөд монгол багуудын эхний өдрийн тааруу тоглолт сүүлийн хоёр өдрийнхөө амжилтыг хойш чирэв.
Тэмцээний шилдэг тоглогчоор "Godlike Stalwart" багийн TOP буюу А.Бүрэнбаяр тодорчээ.
