2017 оны Парисын дэлхийн аварга, “Алдар” спорт хороо, “Аваргууд” академийн тамирчин, Монгол Улсын гавьяат тамирчин Пүрэвдоржийн Орхон таван жилийн дараа Азийн аваргын дэвжээнд зодоглож мөнгөн медалийн эзэн боллоо. Тэрбээр алтан медалийн төлөөх барилдаанд “Токио-2020” олимпын наадмын мөнгөн медальт, “Нур-Султан-2019”, “Осло-2021” дэлхийн хошой аварга Кыргызстаны Айсулуу Тыныбековатай хүч үзэж 5:9-өөр ялагдсан юм.
