Кувейт улсад дөрөвдүгээр сарын 26-нд Азийн жүдо бөхийн холбоо (JUA)-ны их хурал боллоо. Тус хурлын үеэр Монгол Улсын тав дахь ерөнхийлөгч, Монголын жүдо бөхийн ерөнхийлөгч, гавьяат тамирчин Халтмаагийн Баттулга Зүүн Азийн жүдо бөхийн холбооны хүндэт ерөнхийлөгч болов. Х.Баттулга нь өмнө нь Зүүн Азийн холбоог тэргүүлж байсан бөгөөд өдгөө IJF-гийн Ambassador буюу элчийн сонгуульт ажилтай. Хурлын үеэр Зүүн Азийн жүдогий холбооны дэд ерөнхийлөгч Б.Пагва улиран сонгогдсон.
Түүнчлэн Монголын жүдо бөхийн холбооны ерөнхий нарийн бичгийн даргын албыг олон жил хашсан М.Бөхбат Зүүн Азийн жүдо бөхийн холбооны шүүгчдийн зөвлөлийн даргаар томилогджээ.
