“Ташкент-2023” Дэлхийн аварга шалгаруулах тэмцээний 63.5 кг-ын жинд “Жакарта-2018” Азийн наадмын мөнгө, Азийн АШТ-ий алт, мөнгө, хүрэл медальт ОУХМ Баатарсүхийн Чинзориг уржигдар Австралийн Маклериг 5:0-ээр ялсан билээ. Тэгвэл хоёр дахь тулаанаа өчигдөр Камеруны Мохамед Оумароутай хийж 5:0-ээр илүүрхэн ялав.
Манай боксчин маргааш 1/8 шигшээд Туркменистаны Хурсанд Имангулиев, Конгогийн Муламба Мбайя нарын ялсантай тулалдана.
