Жюүдо бөхийн дэлхийн аварга шалгаруулах тэмцээн анх удаа Катарын нийслэл Доха хотод хоёр дахь өдрөө үргэлжилж байна.
Тэмцээний эрэгтэйчүүдийн -66 кг жинд дэлхийн аваргын хүрэл медальт Ёндонпэрлэйн Басхүү 2021 оны залуучуудын дэлхийн аварга Абрек Нагучевтай учраа таарсан. Барилдаан нэмэлт цаг руу шилжиж Ё.Басхүү торгуулиар ялснаар шигшээ 16-д шалгарлаа. Өдгөө 29 настай тэрээр шигшээ 16-д Европ тивийн аварга Румыны 23 настай Лусиан Борс Думитрескутай барилдана.
