Монгол Улсын Ерөнхийлөгчийн бодлого, үйл ажиллагааны хөтөлбөрт “Уул ус, овоо тахилга, уламжлалт зан үйлд хүндэтгэлтэй хандаж, төрийн тахилгат хайрхнууд, үндэсний бахархалт зүйлсийг дээдлэн хамгаалах…”-аар тусгасан байдаг. Монгол улсын төрийн тахилгат хайрхнуудыг таван жил тутамд тахих ёслолыг үйлддэг бөгөөд Монголчууд бид эрт үеэс дээдлэн иржээ.
Эв мөнхийн тусгаар Монгол нэрэн дор зохион байгуулагдаж буй 2023 оны Үндэсний их баяр наадмаар анх удаа “12 хайрхны магтаал” тоглогдсон бөгөөд үгийг ШУ-ны Гавьяат зүтгэлтэн, ШУ-ны доктор, профессор С.Дулам, аяыг хөгжмийн зохиолч, продюсер, төгөлдөр хуурч, МУГЗ Б.Чинбат нар зохиож ард түмэндээ хүргэлээ.
