Дэлгэр Монголоороо дэнж хотойтол баярлах дэлхийд ганцхан Үндэсний их баяр наадмын өдрүүд эхэллээ.
Наадмын өдрийн зоог болох бидний дуртай дугуй хуушуурыг хийх аргыг танилцуулж байна.
Орц:
- Үхрийн татсан мах
- Гурил
- Сонгино
- Татсан саримс
- Гоньд
- Давс
-Тос
Эдгээрийн хэмжээг хэдэн ширхэг хийх болон амталгаанаас шалтгаалаад хэмжээгээ тохируулаарай.
Арга барил ба анхаарах зүйлс:
- Хамгийн чухал зүйл бол гурилаа бүлээн усаар зөөлхөн зуурч багадаа 3 цаг, ихдээ 5 цаг амраах хэрэгтэй.
- Гурил амрах хооронд 2-3 удаа нухаж гурилан дахь бөмбөлгүүдийг байхгүй болгосноор шарах явцад цэврүүтэй мэт болохгүй
- Махны амт чимдэг гол амтлагч бол гоньд
- Махаа амталж базахдаа усгүйгээр маш сайн базсанаар гурил илдэх үед цоорохгүй
- Махаа багахан тасалж гурилдаа хийж мантуун бууз хэлбэрээр чимхээд гадуур нь багахан тос түрхээд 5-10 минут амраана /Амраах тусам илдэх үед цоорохгүй/
- Зөөлөн гал дээр 2 тал шаргал болтол шарна
- Шарсны дараа тос шүүхдээ шарах шүүгээний сараалжин хавтан дээр тавивал тоснууд сайн шүүгдэнэ. Битүү саванд хийж таглавал нялцайна.
Сайхан наадаарай
