Тулгар төрийн 2232, Их Монгол улсын 817, үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойн хүрээнд, баяр наадмын үйл ажиллагааны хүрээг өргөтгөж Монголчуудын өв соёл, ардын урлагийг сурталчлах зорилготой “Соёлын наадам” нь маргааш буюу 2023 оны 7 дугаар сарын 12-ны өдөр Хүй Долоон Худгийн “Монгол Наадам” цогцолборт үргэлжлэн зохион байгуулагдана.
Энэ удаагийн “Соёлын Наадам”-д Соёл Урлагийн Их Сургуулийн багш, оюутнууд, ажилчид, соёлын өв тээгчид, уран бүтээлчид, Монголын Урлагийн зөвлөлийн ажилтан албан хаагчид зэрэг 200 гаруй хүн ажиллаж байна.
