Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр наадмын Үндэсний шагайн харвааны тэмцээнд 83 багийн 652 харваач цэц мэргэнээ сорин наадлаа.
Тухайлбал, 18 аймгийн 68, нийслэлийн 14, Европ тивийн төлөөлөл 1 гээд нийт 83 багийн харваач оролцсоноос тэргүүн байрт Өмнөговь аймгийн Цогтцэций сумын харьяат Монгол Улсын хошой мэргэн Ч.Буянжаргал ахлагчтай "Алтанговь Транс" ХХК-ийн баг, дэд байрт Дундговь аймгийн Адаацаг сумын харьяат Монгол Улсын мэргэн Ц.Отгонбаяр ахлагчтай "Бүрд" баг, гутгаар байрт Архангай аймгийн Хайрхан сумын харьяат Монгол Улсын Үлэмж дархан мэргэн, спортын мастер С.Ямааранз ахлагчтай "Алдар" спорт хорооны баг гутгаар байрт шалгарлаа.
