Улсын хэмжээнд 2023 оны эхний хагас жилд 32805 эх амаржиж, 33004 хүүхэд төрүүлсэн нь өмнөх оны мөн үеэс амаржсан эхийн тоо 2761-ээр, төрсөн хүүхдийн тоо 2784-өөр буюу тус бүр 9.2 хувиар өсжээ. 1000 хүнд ногдох төрөлт Улаанбаатар хот болон Сүхбаатар, Орхон, Говьсүмбэр, Ховд, Увс, Баян-Өлгий аймагт улсын дунджаас 0.2-2.3 нэгж хувиар дээгүүр, бусад аймагт 0.1-4.7 нэгж хувиар доогуур байна. Тухайлбал 1000 хүнд ногдох төрөлт Төв аймагт 4.8 нэгж хувь буюу хамгийн бага байна.
