Хонь: Таны амьдралын өнөөгийн байр суурийг үндсээр нь өөрчлөх гэнэтийн мэдээ хүлээн авч магадгүй. Хувийн зохион байгуулалт болон ажил хэргийн харилцаа холбоо таны гол туслагч байх ёстой. Ямар нэг өөрийгөө сорьсон ажил хийхэд тааламжтай. Гэхдээ хэт эрсдэлтэй үйл хийх хэрэггүй.
Үхэр: Од эрхсийн нөлөө таны эргэн тойронд үйл явдлаар дүүрэн байхыг билэгдэж байна. Аялалд явах хүмүүс элдэв саадтай учирч магадгүй. Гэхдээ бодсон төлөвлөгөө биелнэ. Гэртээ засвар хийх болон шинэ тавилга авах зэрэг нь дансыг тань улайлгаж магадгүй боловч танай гэр бүлийнхэн маш их аз жаргалтай байх болно.
Ихэр: Уран бүтээлч хүмүүс шинэ бүтээл дээрээ төвлөрөн ажиллах үе. Зарим төлөвлөгөө биелэхэд хүндрэлтэй байвал өөрчлөх талаар бодно. Олдсон боломжийг ашиглахаа сайн мэдэхгүй байх ч авьяас чадвараа илэрхийл. Өөрийн хүсэж байгааг бусдад хүчээр тулгах хэрэггүй. Амьдралын урсгалыг дагаж хөвөлгүй, хүсэл сонирхлоо дага. Гэхдээ элдэв үйл явдал харилцан буулт хийхэд хүргэнэ.
Мэлхий: Хамт олонтойгоо оролцох олон нийтийн арга хэмжээнд сайн өдөр. Санаа бодлоо хэрэгжүүлэхдээ хувийн хүсэл тэмүүллээ дарвал сайн үр дүн гарна. Эргэн тойрныхондоо хайхрамжгүй загнах эсвэл дүрсхийн уурлах байдал гаргах хэрэггүй. Таны тэвчээр болон ухаалаг зангаас цаашдын бүх ажлын амжилт шалтгаалах болно.
Арслан: Ашиг сонирхлоо орлогоо сайжруулах боломж болго. Өөрийн сэтгэлд хүрсэн ажил мэргэжлээ эзэмших боломж гарна. Чухал үе ирэхэд бүү тулгамд. Бусдаас нэрэлхэж сандрах хэрэггүй. Өөрийгөө хамгийн сайн мэргэжилтэн гэдэгт итгэлтэй бай. Ойр дотнын хэн нэгэнд тусламж хэрэгтэй бол сэтгэл санааг нь дээрдүүлэх боломж хай. Найз нөхдөөсөө зөвлөгөө авахад буруудахгүй шүү.
Охин: Эргэн тойрны уур амьсгал тааламжтай өдөр. Хэн нэгэн холоос зочлон ирэх магадлалтай. Ажил хэргийн уулзалт хийх хүмүүс эргэн тойрноо эмх цэгцтэй байхад анхаар, хэрэггүй үйлдлээ хязгаарла. Таны болон ажлын орчны харагдах байдал ажлын чиг хандлагад нөлөөлөх болно. Гэр бүлдээ ч тайван тухтай орчин бүрдүүлэхийг хичээ. Хүүхдүүдийн аар саар асуудлыг дэвэргэн гэр дүүрэн шуугиан тарих хэрэггүй.
Жинлүүр: Үнэнтэй нүүр тулах нь бэрхшээлээ даван гарах сайн арга зам юм. Бясалгалаар хичээллэж, тархиа сэргээ. Та дотоод сэтгэл санаагаа ухаалаг байлгавал зөв амьдралын эх үндсээ тавина. Зарим хүмүүс хуучны дурсамжаа их бодох бололтой. Өөрийгөө илэрхийлэх арга олох нь нөхцөл байдлаа сайжруулах зам байх болно. Сэтгэл зовоосон асуудлаа арилгах нь эрүүл аз жаргалтай амьдралыг авчирна.
Хилэнц: Эерэг хандлагатай байвал бага зэргийн сөрөг нөлөөлөлд өртөхгүй байх боломжтой. Нийгмийн идэвхтэй хүмүүс цаг үеийн асуудлаар их мэдээлэл олж авах болно. Санхүүгийн асуудал гарах ч сайн төлөвлөгөө нь амжилтад хүргэх боломжтой. Ажлын нөхцөл өөрчлөгдөх тул бэлтгэлтэй байгаарай. Аливааг чин сэтгэлээсээ хийх гэж оролдох нь үр дүнтэй гэдгийг од эрхэс зөвлөж байна.
Нум: Сэтгэл санаа хайнга, тогтворгүй болох өдөр. Санхүүгийн асуудлыг шийдэхийн тулд их эрч хүч зарцуулна. Эрч хүч болон цаг хугацаа хүрэлцэхгүй бол эргэн тойрондоо болж буй үйл явдлуудыг тайван хүлээж авахыг хичээ. Үр хүүхдүүддээ цаг заваа зориул. Энэ нь танд амар амгалан баяр баясгалантай байдлыг буцаан авчирна.
Матар: Удаан уулзаагүй найз нөхөдтэйгөө уулзаж, цагийг хамтдаа өнгөрөөх нь хөгжилтэй байх болно. Нийгмийн харилцаагаа өргөжүүлэхийн тулд илүү их ажиллах хэрэгтэй болох бөгөөд энэ нь ирээдүйн төлөвлөгөөгөө хялбар хэрэгжүүлэхэд тустай. Таны амжилтад нөлөө бүхий хүний тус ихээхэн байр суурь эзэлнэ.
Хумх: Ажил хэрэг амжилттай болно. Од эрхэс нөлөөлснөөр ажил тань төсөөлж байснаас ч урагштай биелнэ. Хийхээр төлөвлөсөн ажлууд ихэнх нь амжилттай болно. Хэрвээ та өөрийн хүлээсэн үүргээ ухамсарлаж байгаа бол тулгарч буй асуудалд бүү бухимдаарай. Удахгүй бүх зүйл сайхан болно.
Загас: Болгоомжтой байх өдөр. Аливаа үйл ажиллагааг удирдах үедээ чухал тохиролцоог орхигдуулж мэднэ. Зарим хүмүүс амлалтдаа үнэнч бус байснаас болоод таны төлөвлөгөө төвөгтэй байдалд орно. Аливаа ажил хэрэгт оролцохоосоо өмнө өөрийн зүгээс бэлтгэлийг сайн ханга. Мөн зарим хүмүүст таны тусламж ихээхэн хэрэгтэй болно.
