One Direction хамтлагын гишүүн Liam Payne энэ оны аравдугаар сарын 16-нд зочид буудлын тагтнаас унан харамсалтайгаар амиа алдсан хэрэг гарсан билээ.Тэрээр нас барахаасаа өмнөхөн найз охинтойгоо ирэх жилд гэрлэх төлөвлөж байжээ.
Өнгөрсөн лхагва гарагт түүний найз охин Кэйт Кэссиди дуучны үхэлд эмгэнэлээ илэрхийлсэн нийтлэл Инстаграм хуудсандаа бичсэн.
Тэрээр “Хэдхэн долоо хоногийн өмнө бид хамт суугаад амьдралаа төсөөлөн ярьж байсан.Түүний надад өгсөн цаасан дээр “Кэйт бид хоёр нэг жилийн дотор гэрлэнэ, үүрд хамт байх болно” гэж бичсэн байсан. Би тэр цаасыг үргэлж өөртөө ойр хадгалах болно” гээд түүний гараар бичсэн тэмдэглэлийг нийтэлжээ. Тэд 2022 оноос хойш үерхэж байсан.
Эх сурвалж: BBC
