Удаан хүлээлгэсний эцэст Apple компани iPhone-д зориулсан хиймэл оюун ухааны (AI) хэрэглүүрээ өнгөрөгч даваа гарагт гаргалаа.
Ийнхүү өнгөрсөн зургаадугаар сард зарласан хиймэл оюун ухааны хэрэгслүүдийн иж бүрдэл болох Apple Intelligence өчигдрөөс эхлэн дэлхийн зарим iPhone эзэмшигчдэд боломжтой болсон байна.
Шинэ функцүүд нь мэдэгдлийн хураангуй, хэрэглэгчдэд мессеж бичихэд туслах хэрэгслүүд, Siri виртуал туслахын шинэ холбоос зэргийг багтаажээ.
Гэхдээ уг хэрэглүүрийг зөвхөн iPhone 16, iPhone 15 Pro болон iPhone 15 Pro Max зэрэг хамгийн сүүлийн үеийн загваруудыг барьж буй хүмүүс л ашиглах боломжтой гэв.
Эх сурвалж: BBC
