Леброн Жэймс 40 нас хүрлээ. Лос Анжелес Лэйкерс багийн бэлтгэлийн дараа тэрээр сэтгүүлчдийн асуултад хариулав.
Тэр бол лигийн түүхэнд 1000-аас 40,000 оноо авсан хамгийн залуу тоглогч. НБЭ-гийн түүхэнд 22 улирал тоглосон хоёр дахь тоглогч. Нөгөөдөх нь хагас хүн, хагас гайхамшиг Винс Картер юм. Тэрээр маргааш болох Кливленд Кавальерс багийн эсрэг тоглолт 40 насандаа NBA-гийн тоглолтод оролцсон 32 дахь тоглогч болно.
Леброн Жэймс өнгөрсөн улиралд зодог тайлах талаар нэлээд ам ангайж байсан. Харин энэ зуны Парисын олимпод АНУ-ын багтай алтан медаль хүртэж, тэмцээний MVP-ийг хүртсэний дараа илүү удаан тоглох боломжтой гэдгээ хэлсэн байдаг.
Тэрээр "Үнэнийг хэлэхэд, би өөрөө үнэхээр хүсвэл энэ тоглоомыг дахин өндөр түвшинд тоглож магадгүй. Хачирхалтай сонсогдож магадгүй. Гэхдээ би хүсвэл дахиад 5-7 жил магадгүй тоглож чадна. Гэхдээ би үүнийг хийхгүй" гэсэн юм. Леброн Жэймс өдгөө 49,6%-ийн шидэлт, 9,0 оновчтой дамжуулалт, 7,9 самбар дунджилж 23,5 оноо авч, Лэйкерсийн 31 тоглолтын 28-д нь оролцож байна.
