Б.УУГАНБАЯР
2019.09.26 ПҮРЭВ ГАРАГ БИЛГИЙН ТООЛЛЫН 27
НАМРЫН ИЛҮҮ ТЭРГҮҮН САРЫН ХОЁР УЛААН МЭНГЭТЭЙ БАР ӨДӨР
- Үс засуулвал : Өлзийтэй сайн
- Наран ургах, шингэх : 06.41 - 18.41
- Барилдлага : Хүчин төгсөх
- Шүтэн барилдлага : Авахуй
- Суудал : Төмөр
Аргын тооллын 09 сарын 26. Бархасвадь гараг. Билгийн тооллын 27. Их морь одтой улаан бар өдөр
Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байшин авах, хараал жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг цагдаагийн үйл, тангарагаа буцаахад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой.
|
Өдөр тутмын мэдээ
