Малчид, иргэд, тээвэрчдийн анхааралд: 14-ний өдөр нутгийн зүүн хэсгээр цас орж, явган шуурга шуурах бөгөөд ихэнх нутгаар хүйтэрч, говь, тал, хээрийн бүс нутгаар салхи секундэд 15-17 метр хүрч ширүүсэхийг анхааруулж байна.

2026 оны 02 дугаар сарын 13-ны 20:00 цагаас 14-ний 20:00 цаг хүртэлх цаг агаарын урьдчилсан мэдээ

Хур тунадас:
Ихэнх нутгаар солигдмол үүлтэй. Шөнөдөө төв, говь болон зүүн аймгуудын нутгийн зарим газраар, өдөртөө зүүн аймгуудын зүүн хэсгээр цас орж, зөөлөн цасан шуурга шуурна.

Салхи:
Нутгийн зүүн хэсгээр баруун өмнөөс баруун хойш эргэж, бусад нутгаар баруун хойноос секундэд 6-11 метр. Говь, тал, хээрийн нутгаар секундэд 15-17 метр хүрч ширүүснэ.

Агаарын температур:
Хүйтний эрч ихэнх нутгаар чангарна.

• Шөнөдөө Увс нуур болон Дархадын хотгор, Завхан, Заг-Байдраг голын эх, Идэр, Тэс голын хөндийгөөр -36...-41 градус,

• Монгол-Алтай, Хангай, Хөвсгөлийн уулархаг нутаг, Эг, Үүр, Орхон, Ерөө голын хөндийгөөр -30...-35 градус,

• Хэнтийн уулархаг нутаг, Их нууруудын хотгор, Хүрэнбэлчир орчим, Сэлэнгэ, Хараа, Туул голын хөндийгөөр -25...-30 градус,

• Говийн бүс нутгийн өмнөд хэсэг, Дорнод, Дарьгангын тал нутгаар -13...-18 градус,

• Бусад нутгаар -20...-25 градус хүйтэн байна.

Өдөртөө:

• Увс нуур болон Дархадын хотгор, Завхан, Заг-Байдраг голын эх, Идэр, Тэс голын хөндийгөөр -23...-28 градус,

• Монгол-Алтай, Хангай, Хөвсгөл, Хэнтийн уулархаг нутаг, Хараа, Ерөө голын хөндийгөөр -17...-22 градус,

• Алтайн өвөр говиор 0...-5 градус,

• Хангайн нурууны өвөр бэл, говийн бүс нутгийн өмнөд хэсгээр -5...-10 градус,

• Бусад нутгаар -11...-16 градус хүйтэн байна.

Улаанбаатар хот орчмоор

Улаанбаатар: Шөнөдөө үүл багасч, өдөртөө багавтар үүлтэй. Цас орохгүй. Салхи баруун хойноос секундэд 5-10 метр. Хүйтэрч шөнөдөө Яармаг-Сонгины орчмоор -26...-28 градус, бусад хэсгээр -21...-23 градус, өдөртөө -13...-15 градус хүйтэн байна.

Багануур орчмоор

Багануур: Шөнөдөө үүл багасч, өдөртөө багавтар үүлтэй. Цас орохгүй. Салхи баруун хойноос секундэд 6-11 метр. Шөнөдөө -23...-25 градус, өдөртөө -14...-16 градус хүйтэн байна.

Тэрэлж орчмоор

Горхи-Тэрэлжийн байгалийн цогцолборт газар: Шөнөдөө үүл багасч, өдөртөө багавтар үүлтэй. Цас орохгүй. Салхи баруун хойноос секундэд 4-9 метр. Шөнөдөө -23...-25 градус, өдөртөө -14...-16 градус хүйтэн байна.

2026 оны 02 дугаар сарын 15-наас 20-ныг хүртэлх төлөв

15-нд Халх голын хөндийгөөр ялимгүй цас орж, явган шуурга шуурна. 16, 17-нд тал, хээрийн нутгаар салхи секундэд 14-16 метр хүрч ширүүснэ.

15-наас хүйтний эрч аажмаар суларна.

• Увс нуурын болон Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -28...-33 градус, өдөртөө -17...-22 градус,

• Алтай, Хангай, Хөвсгөл, Хэнтийн уулархаг нутаг, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -21...-26 градус, өдөртөө -11...-16 градус,

• Хангайн нурууны өвөр бэл, говийн бүс нутгийн өмнөд хэсгээр шөнөдөө -5...-10 градус хүйтэн, өдөртөө +6...+11 градус дулаан,

• Говийн бүс нутгийн хойд хэсгээр шөнөдөө -11...-16 градус хүйтэн, өдөртөө +1...+6 градус дулаан,

• Бусад нутгаар шөнөдөө -15...-20 градус, өдөртөө +1...-4 градус хүйтэн байх төлөвтэй байна.

Иймд салхи шуургатай, эрс хүйтрэх өдрүүдэд малын хашаа, хороо, зам даваанд анхаарал болгоомжтой зорчихыг мэргэжлийн байгууллагаас анхаарууллаа.