Б.УУГАНБАЯР
Экспорт өмнөх оны мөн үеэс 42.5 хувиар өслөө. Монгол Улс 2023 оны эхний хагас жилд нийт 143 улстай худалдаа хийж, гадаад худалдааны нийт бараа эргэлт 11.8 тэрбум америк доллар, үүнээс экспорт 7.6 тэрбум америк доллар, импорт 4.3 тэрбум америк доллар байна. Нийт бараа эргэлтийн хэмжээ өмнөх оны мөн үеэс 2.6 (27.9%) тэрбум америк доллароор, экспорт 2.3 (42.5%) тэрбум америк доллароор, импорт 325.6 (8.2%) сая америк доллароор тус тус өсжээ. Харин 2023 оны 6 дугаар сард экспорт өмнөх сараас 88.4 (7.4%) сая америк доллароор, импорт 8.6 (1.1%) сая америк доллароор өссөн байна.
Гадаад худалдааны тэнцэл 2023 оны эхний хагас жилд 3.3 тэрбум америк долларын ашигтай гарч өмнөхоны мөн үеэс 1.9 (2.4 дахин) тэрбум америк доллароор өсжээ. Харин 2023 оны 6 дугаа р сард 472.7 сая америк долларын ашигтай гарч, өмнөх сараас 79.8 (20.3%) сая америк доллароор өссөн байна. БНХАУ-тай 2023 оны эхний хагас жилд 8.6 тэрбум америк долларын худалдааг хийжээ. Энэ нь гадаад худалдааны нийт бараа эргэлтийн 73.0 хувийг эзэлж байна.
|
Спорт
