Б.УУГАНБАЯР
Налайх дүүрэгт 700 суудалтай спорт цогцолборын барилга ашиглалтад орж, үйл ажиллагаагаа эхлүүллээ.
Тус цогцолбор нь нийт 700 суудал бүхий спорт заал, 4 зам бүхий усан бассейнтай бөгөөд цогцолбор ашиглалтад орсноор Налайх дүүргийн хүүхэд залуучууд спортын бүх төрлөөр хичээллэх боломж бүрдэж буй юм. 
Спорт цогцолборын анхны үйл ажиллагаа нь Налайх дүүргийн ЭМТ-ийн сувилагч нарын дунд зохион байгуулагдаж буй гар бөмбөгийн тэмцээнээр эхэлж буй бөгөөд тэмцээний нээлтэд УИХ-ын гишүүн С.Амарсайхан, Ц.Сандаг-Очир, дүүргийн Засаг дарга Ч.Раднаабазар нар оролцож, нийт баг тамирчдад амжилт хүслээ.
|
Спорт
