Б.БИЛЭГСАЙХАН
Японы Айчи мужийн Нагояа хотод үргэлжилж байгаа Азийн пара V наадмын таеквондогийн төрөлд "Парис-2024" паралимпын мөнгөн медальт, дэлхийн таван удаагийн аварга Г.Болор-Эрдэнэ алтан медаль хүртлээ.
Тэрбээр хагас шигшээд Ираны тамирчныг 2:0-ээр хожсон бол алтан медалийн төлөөх тулаанд Узбекистаны Кудражон Хайдаровыг 2:1-ээр буулган авсан юм. Эхний үед 22:24-өөр манай тамирчин ялагдсан ч дараагийн хоёр үед 8:8, 20:4-өөр илүүрхсэнээр Монголын багийн гурав дахь алтан медалийн эзэн болов. Ийнхүү Г.Болор-Эрдэнэ Азийн пара наадамд дараалан түрүүлсэн анхны монгол тамирчин болж байна.
Тэгвэл К-44 ангилалд эрэгтэйчүүдийн 70 кг-д олон улсын хэмжээний мастер Б.Шинэбаяр хүрэл медалийн төлөөх тулаанд БНСУ-ын тамирчин Ли Донхогт 0:2-оор ялагдсанаар тавдугаар байрт шалгарав.
|
Спорт
