Хийморийн домог буюу «The Legend of Khiimori» тоглоомын Монголын уудам нутаг шинэчлэлт нь зөвхөн булган дээл, сайн морьтой байгаад ч нэмэргүй хүйтэн уулс болон төөнөм элсэн цөлийг авчирлаа.

Түүнчлэн шинээр нэмэгдсэн морийг ч бас дурдахгүй өнгөрч болохгүй! 

Өөр нэг өдөр, морьтой холбоотой сонирхолтой зүйл хийх өөр нэг боломж гарлаа! Би энд яг бодит утгаар нь хэлж байна, учир нь "Хийморийн домог" (The Legend of Khiimori) тоглоомын шинэ шинэчлэлт уржигдар гарлаа. Үүнийг "Монголын уудам нутаг" (The Mongolian Expanse) гэж нэрлэх бөгөөд тоглоомын газрын зургийг бүхэлд нь илүү өргөн болгож, тоглоомд олон тооны бусад нэмэлтүүдийг оруулсан байна. 

Өмнө нь та цас бүрхсэн уулс болон төөнөм халуун элсэн цөлийг хараад 'Тэр хэцүү цаг агаартай газар руу очихгүй байсан нь л дээр дээ' гэж бодож байсан байж магадгүй. За, сайн мэдээ гэвэл, одоо та эдгээр газрууд руу явах боломжтой болсон бөгөөд газар бүр нь "өөрийн гэсэн өртөө зам, Өртөөний зангилаа цэгүүд, нэрлэгдсэн газрууд, авдар болон дээрэмчдийн нуувчтай" болсон байна.

Мэдээж ямар ч бэлтгэлгүйгээр тийшээ зүглэх нь амиа хорлосонтой адил. Цаг агаар нь тэсэхийн аргагүй хүйтэн, авирахад хэцүү бөгөөд өлсгөлөн чононууд ч таныг зүгээр орхихгүй. Элсэн цөл нь мэдээж таны болон таны морины хувьд ч маш халуун байх болно.Эрс тэс уур амьсгалыг нэг төрлийн саад бэрхшээл, даваа болгон оруулж өгсөн нь «Zelda: Breath of the Wild» тоглоомын шийдэлтэй тун төсөөтэй, догь болжээ. Үнэхээр догь! 

Энэхүү шинэчлэлтийн давуу тал нь үүгээр дуусчихгүй. Та зэрлэг гахай, Говийн мазаалай баавгай, тэмээ зэрэг зэрлэг ан амьтдын цоо шинэ ертөнцийг олж харах болно. Мэдээж хэрэг, морины тухай тоглоом илүү олон морьгүйгээр байж болохгүй бөгөөд тийм зүйл энд байна! Шинэчлэлтийн давуу тал нь үүгээр дуусчихгүй. Та зэрлэг гахай, Говийн мазаалай баавгай, тэмээ зэрэг зэрлэг ан амьтдын цоо шинэ ертөнцийг олж харах болно. Мөн морины тухай тоглоомд шинэ хүлэг байхгүй бол алдас болно биз дээ? Энэ бол Марвари (Marwari) хэмээх цоо шинэ үүлдрийн морь бөгөөд алс хол, элсэн цөлийн хүнд хэцүү замыг туулахад зориулагдсан, халуунд туйлын тэсвэртэй, найдвартай хүлэг байх болно. Үүнээс гадна тухайн бүс нутаг болон үүлдрээс хамааран тоглогч хайж олох боломжтой морины 60 гаруй шинэ чадварыг тоглоомд нэмжээ.

Энэхүү Мавари үүлдэр нь Энэтхэгийн баруун хойд нутаг болох Ражастан мужийн Марвар бүс нутгаас гаралтай бөгөөд дор хаяж 12 дугаар зуунаас эхлэн Ражпут дайчид өөрсдийн цэргийн хэрэгцээнд зориулан тусгайлан үржүүлж иржээ. Тэд маш нимгэн арьстай тул цөлийн төөнөм халууныг тэсвэрлэх чадвартай. Мөн туурай нь маш хатуу тул чулуулаг, элсэрхэг хүнд хэцүү газар нутагт цуцахгүй хол зам туулах өндөр тэсвэр хатуужилтай учир тоглоомын зохиогчид марвари морийг зориуд сонгосон бололтой. Энэтхэгийн нутгийн унаган одой морьдыг Араб болон Туркмен үүлдрийн морьдтой эрлийзжүүлэх замаар олон зууны турш гарган авсан гэж үздэг (зарим сурвалжид Монгол морины цусан холбоо ч байж магадгүй гэдэг). Энэтхэгийн засгийн газар энэхүү түүхэн өв соёлоо хамгаалахын тулд Марвари морийг гадаад улс руу экспортлохыг хатуу хориглодог. Иймд Энэтхэгээс гадна бусад улс оронд энэ морийг олж харах нь туйлын ховор байдаг бөгөөд дэлхий даяар цэвэр цуст хэдхэн мянган тоо толгой л үлдээд байна. Тиймээс «The Legend of Khiimori» тоглоомын хөгжүүлэгчид тоглоомдоо цөлийн шинэ бүс нутаг нэмэхдээ бодит амьдрал дээрх халуун элсэн цөлийг туулах чадвартай энэхүү домогт хүлгийг сонгож оруулсан нь түүхэн болон амьдралын үнэнд тун сайн нийцсэн шийдэл болсон байна 

Энэ бол дээр дурдсан бүх зүйлсээс гадна олон төрлийн нарийн тохируулга, нэмэлтүүд болон алдааны засваруудыг багтаасан сайхан, том хэмжээний шинэчлэлт юм. Уулс болон элсэн цөлийн тухайд та тэнд томоохон нэмэлтүүдийг хүлээж болно, учир нь энэ бол уг шинэчлэлтийн зөвхөн эхний хэсэг юм. Та шинэчлэлтийн санал болгож буй бусад бүх зүйлийн талаар эндээс Steam дээр унших боломжтой.