АДМИН
Монголын сагсан бөмбөгийн холбооны Удирдах зөвлөлийн шийдвэрээр Монгол улсын шигшээ багийн Ерөнхий дасгалжуулагчаар Эрдэнийн Ариунболдыг томиллоо. Түүний хувьд багаа удирдан клубийн түвшинд BCL East-ийн аварга, BCL Final тэмцээний хүрэл медалийг хүртсэн өндөр амжилтыг гаргасан юм.
Мөн дасгалжуулагчийн багт шигшээ багт сүүлийн 3-4 жил ажилласан туршлагатай дасгалжуулагчид ОУХМ Ц.Азбаяр, Б.Ганхөлөг, Б.Тамжид, Ц.Чинзоригт болон трейнер Костас Масоурас нар ажиллана.
Манай шигшээ баг FIBA Asia Cup 2029-Pre Qualifier Round 2-т 2026 оны 11 дүгээр сарын 26-29 өдрүүдэд эх орондоо М банк аренад тоглоно.
Тодруулбал: Индонез, Малайз, Хонгконгийн шигшээ багуудтай тоглох ба хэсэгт 6 баг байгаагаас 4 баг дараагийн шатанд шалгарах юм.
Шигшээ багийн бэлтгэл 11 дүгээр сарын 14-нөөс эхэлнэ.
|
Спорт
