ТАТАР МАЙДАР
“CuMo Arena”-ийн нээлтэд зориулсан улс, аймгийн алдар цолтой хүчит 128 бөхийн барилдаан өндөрлөж, Завхан аймгийн Яруу сумын харьяат, “Хилчин” спорт хороо, “Завхан Даян” бөхийн дэвжээ, “Жем интернэйшнл” ХХК-ийн бөх, Монгол Улсын Гавьяат тамирчин, Улсын гарьд Мөнхтөрийн Лхагвагэрэл долоо даван түрүүллээ.
Харин Хэнтий аймгийн Өмнөдэлгэр сумын харьяат, “Хан Хэнтийн аварга” дэвжээ, “Автобус-1” ТӨК, “Тэргүүн саруул зам” ХХК-ийн бөх, Улсын арслан Энхтөгсийн Оюунболд зургаа даван үзүүрлэв. Их шөвөгт Ховд аймгийн Зэрэг сумын харьяат, “Ховд” дэвжээний бөх, Улсын арслан Баярхүүгийн Бат-Өлзий болон Сүхбаатар аймгийн Онгон сумын харьяат, “Хилчин” спорт хорооны бөх, Аймгийн арслан Нямдоржийн Өсөхбаяр нар шалгаран үлдлээ.
“CuMo”Arena-ийн нээлтэд зорин ирж уран мэхийг уралдуулж, эр бяраа сорин барилдсан нийт бөхчүүд болон түрүүлж, үзүүрлэн, шөвгөрсөн хүчтэнүүддээ халуун баяр хүргэе!
|
Спорт
