Монголын мэргэжлийн боксчдын нэг, МУГТ Э.Цэндбаатар хоёрдугаар сарын 15-нд Монголын үзэгчдийнхээ уухайн дор, дэлхийн боксын дэвжээн дээр гайхамшигтай тулаан үзүүлж, дахин ялалт байгууллаа. Энэхүү тулаан нь Монголын боксчдын амжилтын түүхэнд нэгэн томоохон хуудас болж, үзэгчид болон тамирчин аль алинд нь сэтгэл хөдөлгөсөн мөчүүдийг үлдээсэн юм.

Тулаан нийт 10 үе тоглох байсан ч зургаадугаар үед өрсөлдөгч нь хүнд цохилт авч техникийн нокаутанд орсон. Түүний дасгалжуулагч ринг рүү цустай цагаан алчуур шидсэнээр тулаан дууссан бөгөөд энэ мөчид үзэгчдийн орилоон, уухайгаар ордон дүүрч, Монголын боксын түүхэн мөчүүдийн нэгийг бий болгосон юм.

Тулаан дуусахад үзэгчид огшиж, тулааны амжилтыг баяртайгаар хүлээн авсан нь Монголын боксын шинэ амжилтын оргил болж, тухайн үдшийн мэдрэмжийг илэрхийлсэн билээ. Монголын төр, засаг болон олон мянган үзэгч энэ үдэш нэгэн зэрэг цог жавхлант үйл явдлыг гэртээ зурагтынхаа өмнө сэтгэл хөдлөн хүлээн авсан юм.

Уг тулааны өмнөх долоон тулаанд манай тамирчид бүгд ялалт байгуулсан бөгөөд түүний амжилт зөвхөн боксийн талбайд төдийгүй, Монголын спортын ирээдүйд ч өндөр ач холбогдолтой гэдгийг харуулсан. Боксийн ертөнцөд зорилгоо биелүүлсэн, тууштай тэмцэгчийн жишээ болсон. Э.Цэндбаатар нь амжилттай тулалдан, өөрийн бүх хүчийг зориулж, Монгол түмнийхээ сэтгэл зүрхийг хөдөлгөж, бахархалтайгаар рингнээс буусан билээ.

МУГТ Э.Цэндбаатарыг МУ-ын Ерөнхийлөгч хүлээн авч уулзах үеэр тэрээр 6 аваргын бүсний хамт 9 хөлт цагаан туганд хүндлэл үзүүлэв. 

Цэндбаатарын мэргэжлийн боксын түүх

Э.Цэндбаатар мэргэжлийн боксын ертөнцөд хөл тавихдаа олон тулаанд ялалт байгуулсан бөгөөд эдгээр нь түүний боксчин хүний чадвар, тууштай хичээл зүтгэлийн үр дүн юм.

- 2019.10.26: WBA-ABCO Азийн аварга цолыг 2-р раундад хүнд цохилтоор эзэмшсэн.

- 2021.12.24: Soslan Baev-г 8 дахь раундад ялж, WBA, Азийн зүүн бүсийн аварга болсон.

- 2023.04.27: Edy Valencia Mercado-г 8 дахь раундад ялж, NABF аварга цол хүртсэн.

- 2023.09.24: Wensong Liu-г шүүгчдийн саналаар ялж, WBA Азийн аварга болсон.

- 2024.10.16: Frency Fortunato Saya-г ялж, WBA Continental North American холбооны аварга цолыг хүртсэн.

- 2025.02.15: Pedro Bernal Rodriguez-г нутгийн дэвжээн дээр хүнд цохилтоор ялж, WBA Asia Central хөнгөн жингийн аваргын бүсээ амжилттай хамгаалсан.

Э.Цэндбаатарын энэ бүх амжилт нь зөвхөн түүний өөрийнх нь хичээл зүтгэл, тууштай байдал төдийгүй, Монголын боксийн ирээдүй, бүтээсэн гайхамшигт түүхийн гэрч болж байна. Тэрээр зөвхөн боксчдын л адил амжилттай тулааныг үзүүлээгүй, өөрийн тууштай тэмүүллээр Монголын спортын шинэ хуудас нээж, эх орныхоо нэрийг дэлхийд дуурсгаж чадсан юм.