И.АМАРБАЯСГАЛАН
Боксын дэлхийн хүнд жингийн хошой аварга, Олимпын аварга Жорж Форман 76 насандаа таалал төгсжээ. Форманы гэр бүлийнхэн Боксын домогт тамирчин өнгөрсөн шөнө "хайртай хүмүүсийнхээ дунд нас барсан" гэж Инстаграм хуудсандаа бичжээ. Форманыг 1949 онд Техас мужид төрсний дараа гэр бүл нь Хьюстоны өмнөд хэсэгт нүүн ирсэн бөгөөд түүний бага нас ядуу тарчиг өсөж,үүнээс болж бага дунд сургуулиа орхижээ. Тэрээр 16 настайдаа Жоб Корпод элссэний дараагаар боксын спортод хөл тавьсан бөгөөд ердөө гуравхан жилийн дараа Форман 19 настайдаа 1968 оны Мексикийн олимпод оролцон сонирхогчдын боксын алтан медаль хүртэж байжээ. Үүний дараа Форман мэргэжлийн бокст хөл тавин, 1973 онд хүнд жингийн аварга Жо Фрейзертэй тулалдан ялалт байгуулан мэргэжлийн боксын хүнд жингийн аварга болжээ. Гэсэн хэдий ч 1974 онд Мухаммед Алид хүнд жингийн аваргын бүсээ алджээ.
|
Эх сурвалж
| ALJAZEERA
|
Спорт
