АДМИН
Фото зургийг | Д.Нямбилэг
Азийн аварга шалгаруулах тэмцээний 70 кг-д зодоглож буй гавьяат тамирчин Т.Тулга эхний хоёр учраагаа оноо алдалгүй ялж, хагас шигшээд шалгарлаа. Тэрбээр шөвгийн 8-д БНХАУ-ын Тао Вейг 10:0 оноогоор цэвэр ялсан юм. Одоо манай бөх Тажикистаны бөх, олимпын наадмын 5-р байрын шагналт, Азийн АШТ-ий мөнгөн медальт Виктор Рассадинтай хагас шигшээд өрсөлдөх болно.
65 кг-д хүч сорьж буй Б.Мөнх-Эрдэнэ мөн л эхний хоёр өрсөлдөгчөө хожиж, их шөвөгт үлдээд байна. Тэрбээр шөвгийн 8-д Кыргызстаны бөх, Азийн АШТ-ий мөнгө, хүрэл медальт Алмаз Сманбековыг буулгаж авсан юм.
Барилдаан ширүүн өрсөлдөөнтэй өрнөж, үндсэн цаг 8:8-аар тэнцэж дууссан бөгөөд манай бөх бүхэл онооны чанараар ялалт байгууллаа.
Б.Мөнх-Эрдэнэ хагас шигшээд БНАСАУ-ын бөх, Азийн наадмын мөнгөн медальт Хан Чон Сонтой барилдана.
Хагас шигшээд шалгарсан дараагийн бөх нь 79 кг-ын О.Сүлдхүү байв. Тэрбээр дунд шөвөгт Японы бөх, U-20 ДАШТ-ий мөнгөн медальт Рюносүкэ Камияг 4:0-ээр хожлоо.
|
Спорт
