Б.УУГАНБАЯР
Марокко улсын Марракеч хотноо жүдо бөхийн Залуучуудын ДАШТ эхэллээ. Дэлхийн аварга шалгаруулах тэмцээнд 81 улсын эрэгтэй 294, эмэгтэй 223, нийт 517 жүдоч хүч үзэж байна.
Залуучуудын дэлхийн аваргад МУГД Шархүүгийн Цэвэлмаа, ОУХМ Лувсанцэрэнгийн Лувсандэмбэрэл нарын удирдлага дор эрэгтэй 7, эмэгтэй 8 тамирчин оролцож байгаа юм. Өчигдөр эхний өдөр 4 бөх барилдсанаас 52 кг-ын жинд Лхагвасүрэнгийн Сосорбарам аваргын алтан медаль хүртлээ. Тэрбээр алтан медалийн төлөө Тайвань улсын бөх Лин Шуан Шуг хоёр вазари үнэлгээгээр ялсан бөгөөд эмэгтэй жүдочдоос Залуучуудын дэлхийн аварга болсон анхны тамирчин болжээ.
|
Нийгэм
