АДМИН
Ардчилсан намаас өргөн бариад буй хуулийн төслүүдэд намын бүлэг байр сууриа нэгтгэж ирэх долоо хоногт танилцуулахаар болсон байна.
Мөн УИХ-ын гишүүн О.Баасанхүү өнгөрсөн долоо хоног АН-ын гишүүн болсон бөгөөд УИХ дахь АН-ын зөвлөлд элсэх хүсэлтээ өгсөн тул зөвлөлийг бүлэг болох хүсэлтээ УИХ-д өргөн мэдүүлнэ гэв.
УИХ дахь АН-ын зөвлөлийн дарга Д.Эрдэнэбат "Коронавирусийг далимдуулж хэрхэн ял шийтгэл оноох вэ гэсэн хэлбийсэн хууль боллоо гэж бодож байна. Бидний өргөн барьсан хуулийн төслөөс 8-9 дүгээр зүйл заалтыг хуулийн төсөлд оруулах нь зүйтэй гэж үзэж байна. Мөн Эрүүгийн хуульд оруулсан заалтыг давхардуулсан. Иргэдийн амжиргаа доголдсон энэ үед хэт өндөр торгууль ногдуулж, хэн нэгэнд ял шийтгэл оноох нь буруу. Зөрчлийн тухай хуульд сануулах заалт оруулах нь зүйтэй" гэлээ.
|
Нийгэм
